രാത്റിയൊരു തെങ്ങ്
അവന്‍ നിവര്‍ന്നു നിന്നു
ഉറക്കം ഒരു ഉറുംബായി ഇഴഞ്ഞു കയറി
നീണ്ടു നിവര്‍ന്ന് ചമ്പ
വലിഞ്ഞു നീണ്ട് ഉറക്കം
ഉറുമ്പ്‌ പതിയെ പതിയെ
തടിയിലെ കുന്നും കുഴിയും താണ്ടി
കാറ്റ്‌ കൂര്‍ക്കംവലി തുടങ്ങി
പാതിവഴിയില്‍ കല്ലു വെച്ചോരേറു കിട്ടി
ഞെട്ടി ഉണര്‍ന്നപ്പോള്‍ സെക്കന്റ് ഷോവ്ന്റെ തിരക്ക്‌
ഉറുമ്പ്‌ വീണ്ടും നടന്നുതുടങ്ങി
തൊലി പൊളിയുന്ന തണുപ്പ്‌
കടത്തിന്ണയില്‍ കിടന്നു ഞാന്‍
പുതപ്പിന്റെ നീളമറിഞ്ഞു
തടിയില്‍ പറ്റിപ്പിടിച്ചു
മരം കൊത്തി പറന്നു വന്നു
സ്വപ്നത്തില്‍ കുത്തി നോവിച്ചു
ഞാന്‍ വീണ്ടുമൂണര്‍ന്നു
വേഗം നടന്നു
ഓല കണ്ടു പൂവ്‌ കണ്ടു കായ കണ്ടു..
കാത്തിരുന്ന സൂര്യനെ കണ്ടു
ഉറുമ്പ്‌ മരിച്ചു